SOLO Book-ის ფარგლებში, Visa-ს და „ცნობისმოყვარე პანდას “მხარდაჭერით ითარგმნა ბრიტანელი ფსიქოთერაპევტის ფილიპა პერის მსოფლიო ბესტსელერი წიგნი - ‘ნეტავ ეს წიგნი ჩვენს მშობლებს წაკითხული ჰქონოდათ’
სწორედ ამ წიგნის გარშემო, თბილისში, ქუთაისსა და ბათუმში ჩატარდება SOLO Workshop, თემაზე „ყველა ქცევა არის კომუნიკაცია“, რომელსაც გაუძღვება კლინიკური ფსიქოლოგი და თერაპევტი, ელენე ბაჩიაშვილი
ელენე შეხვედრაზე ისაუბრებს, თუ როგორ გამოხატავენ ბავშვები ქცევით თავიანთ სათქმელს, რომ ყველა ქცევის უკან მისი გრძნობები და ემოციები დგას. ეს შეხვედრა დაეხმარება მშობლებს გააცნობიერონ, რომ მათი შვილის ყოველი ქცევა - იქნება ეს პოზიტიური თუ რთული - კომუნიკაციის ფორმაამშობლებს ექნებათ საშუალება უფრო მეტად დააკვირდნენ, ამოიცნონ ბავშვის ემოციები და შეამჩნიონ საკუთარი განცდების და ქცევების გავლენა ბავშვზე. პრაქტიკული სტრატეგიების საშუალებით, მშობლები ისწავლიან ბავშვის ქცევებზე თანაგრძნობით რეაგირებას, რაც ხელს შეუწყობს მშობელსა და შვილს შორის უკეთესი, მეტად ახლო და სანდო კომუნიკაციის ჩამოყალიბებას