ალადინის ჯადოსნური ლამპარი • ქუთაისის თოჯინების თეატრი

ალადინის ჯადოსნური ლამპარი ( ათას ერთი ღამის ,დისნეის ანიმაციის მიხედვით ) მთავარი გმირი ,,ალადინი“ ბიჭი რომელიც ფულის შოვნის მიზნით წვრილ ქურდობებს მიმართავს ქალაქ აგრაბას ბაზარში, თავის განუყოფელ მაიმუნ აბუსთან ერთად. ალადინი გარედან აკვირდება სულთნის მდიდრულ სასახლეს და ოცნებობს ერთ მშვენიერ დღეს შეხვდეს პრინცესა ჟასმინს. სულთანს უნდა მისი ქალიშვილი ტრადიციის მიხედვით მდიდარ პრინცს გაჰყვეს ცოლად, რაზეც ჟასმინი არ თანხმდება, მას მხოლოდ სიყვარულით სურს დაქორწინება. ერთ დღეს ჟასმინი ჩუმად დატოვებს სასახლეს და აგრაბას ბაზარში მოხვდება ,სადაც რთულ მდგომარეობაში აღმოჩენილს ალადინი დაეხმარება. ბოროტ ჯაფარს შეუმჩნეველი არაფერი რჩება და ალადინის შეპყრობის ბრძანებას გასცემს . პრინცესა ჟასმინი ნერვიულობს მის გამო ალადინს საფრთხე რომ შეექმნა, თუმცა ალადინი მოხერხებულად ხელში ჩაიგდებს ჯადოსნურ ლამპარს ,რომლის მნიშვნელობა კარგად იცოდა ,რის გამოც სხვა განძზე უარი თქვა. ლამპარში მოთავსებული ჯინი სურვილების ასრულებაში დაეხმარება სანაცვლოდ კი ალადინი თავისუფლებას ჰპირდება. სპექტაკლის მთავარი სათქმელი კარგად ჩანს რომ ადამიანმა თავისუფლება არავისზე და არაფერზე გაცვალოს . პრინცად გადაქცეული ალადინი სულთანთან წარდგება სათანადოდ და ჟასმინის ხელს ითხოვს. ისინი დასხდნენ მფრინავ ხალიჩაზე ,დაქორწინდნენ და ბედნიერად განაგრძეს ცხოვრება. ბოროტი ჯაფარის სამუდამო სამყოფლად ლამპარი გახდა ჯინი კი თავისუფალი . (სპექტაკლის ხანგრძლივობა 50 წუთი)